شو تباا تكون أسد ولا نعامة ؟؟

Admin المساهمات : 456 تاريخ التسجيل : 30/01/2008

السلام عليكم شخباركم شو مسوين ان شاء الله مرتاحين

في مقولة تقول

" أن تكون فرداً في جماعة الأسُود، خير لك من أن تكون قائداً للنعام "

شو رايكم توافقون ولا تخالفون

طبعا يمكن يكون الموضوع شوي غريب

لكن هذا الموقف نمر فيه ونشوفه كل يوم في حياتنا

بضرب مثال وهو المنتديات

طبعا انك تبدع في المنتدى شي سهل جدا فاغلبيتهم صغار في السن

خلنا نتخيل مثلا استاد فن (مدرس تربية فنية) مال المدرسة الابتدائية شارك في المنتدى وحط رسمات

شو بيكون محلهن من الاعراب بمعني اخر شو بيكون مستواهن

اكيد بدون تفكير بيكون الافضل والاحسن (غالبا)

مب لانه رسام خطير (يمكن يكون صح) بس غالبية الامر ان هالشي يرجع لمستوى الاعضاء الباقيين

وهذا ينطبق ع التصوير التصميم والدين والنقاش والكتابة وكل شي

ما ابي احكر الموضوع بسالفة المنتديات لكن هذا مجرد مثال

الاستاد الي يدرسكم في المدرسة او في الجامعة انتو تشوفونه فاهم وعارف ومبدع في الكلاس

لكن لو قعد مع اساتذة ثانيين يتكلمون في المادة نفسها ( #### )

يا ترى انت من أي نوع؟؟

هل تحب انك تستقوي على ناس مب من مستواك اصلا وتكون قائد لهم كقائد نعام لا اكثر ولا اقل

او انك تفضل انك تروح وتداخل مع الكبار لكن تخسر قياديتك لانك مب الافضل مجرد اسد لا اكثر

طبعا ما في جواب صح وجواب غلط هو مجرد سؤال واحب اشوف رايكم وفلسافتكم